Gaan vir ’n gesondheidsondersoek en staan ’n kans om ’n wegbreek ter waarde van R10 000 te wen
As die geleentheid asook die koste van vervoer en ’n blyplek al is wat jou verhoed om vir ’n naweek weg te breek, is Remedi se gelukkige trekking vir jou bedoel!
Al wat jy moet doen is om tussen 1 Januarie 2020 en 31 Oktober 2020 vir ’n gesondheidsondersoek by jou werkgewer se welstandsdag, of by Clicks of Dis-Chem se welstandskliniek te gaan. Jy word dan outomaties deel van die trekking en staan ’n kans om ’n wegbreeknaweek ter waarde van R10 000 te wen!
Meer oor die gesondheidsondersoek en hoe ons daarvoor betaal
Ons glo jy moet elke jaar jou cholesterol en bloedsuiker (bloedglukose) laat toets en jou bloeddruk en liggaamsmassa-indeks laat meet. Hierdie gesondheidsmetings tel die vroeë tekens van siekte op, nog voordat jy begin sleg voel. Dit kan jou help om mediese toestande vroeg op te spoor of selfs te voorkom! Vind meer oor siftingstoetse uit in ‘Voorsorg is beter as nasorg’.
Ons betaal elke jaar vir een van elkeen van hierdie siftingstoetse uit jou Siftingsvoordeel. As jy na ’n welstandsdag by jou werkgewer, of na Clicks of Dis-Chem se welstandskliniek toe gaan, betaal ons die volle koste sonder om jou dag-tot-dag-voordele te gebruik.
So, selfs al wen jy nie die groot prys nie, kry jy 'n jaar van die beste moontlike gesondheid!
Besonderhede van die gelukkige trekking
Ons skryf alle Remedi-lede wat ouer as 18 jaar is en vir ’n gesondheidsondersoek gegaan het,vir die gelukkige trekking in. Remedi sal tot R10 000 aan ‘n diensverskaffer betaal vir ’n wegbreeknaweek. Die lid sal nie enige kontant ontvang nie. Die prys kan net vir ’n wegbreeknaweek gebruik word en ons sal nie enige ongebruikte geld aan die wenner oorbetaal nie.
- Die inligting oor hoe om in te skryf en oor die pryse, is deel van hierdie bepalings en voorwaardes.
- As jy by jou werkgewer se welstandsdag, of by Clicks of Dis-Chem se welstandskliniek vir ’n gesondheidsondersoek gaan, beskou ons dit as instemming tot die bepalings en voorwaardes.
- Alle Remedi-lede wat 18 jaar oud of ouer is, kan vir die gelukkige trekking inskryf.
- Inskrywing vir die gelukkige trekking begin op 1 Januarie 2020 en eindig op 31 Oktober 2020.
- Om in te skryf, moet Remedi-lede siftingstoetse by hulle werkgewer se welstandsdag of by Clicks of Dis-Chem se welstandskliniek ondergaan en die eise moet teen 31 Oktober 2020 verwerk word.
- Die gelukkige trekking sal by die Raad van Trustees se vergadering plaasvind, wat vir 24 November 2020 geskeduleer is.
- Die Raad sal lukraak een lid se inskrywing trek, wat die prys wen. Die Raad mag moontlik een ekstra reserwe-inskrywing trek vir ingeval die eerste inskrywing ongeldig is of nie in aanmerking kom nie.
- Die Raad se besluit is finaal.
- Bepalings en voorwaardes vir die prys
- 9.1 Die prys kan gebruik word om vir ’n pakkettransaksie vir ’n wegbreeknaweek ter waarde van R10 000 te betaal.
- 9.2 Die wenner sal hulle eie bestemming in Suid-Afrika kan kies
- 9.3 Die prys is nie uitbetaalbaar nie en kan nie na ander dienste oorgedra of vir kontant omgeruil word nie. Indien die wenner nie al die geld vir die pakkettransaksie gebruik nie, verloor hy of sy daardie deel van die geld.
- 9.4 Indien die pryswenner jonger as 18 jaar is, verbeur hy of sy die prys. Die Raad sal die prys dan aan die volgende geldige inskrywing toeken.
- Die wenner sal op 25 November 2020 in kennis gestel word. Die wenner moet voor 1 April 2021 die prys gebruik en die wegbreeknaweek neem, anders verbeur hy of sy dit.