Remedi se Algemene Jaarvergadering (AJV)

Remedi se Algemene Jaarvergadering (AJV) is op 11 Julie 2024 gehou.

Feite

• Ingevolge Remedi se reëls moet die AJV elke jaar voor of op 30 September gehou word. Dit kan 'n fisiese of virtuele vergadering wees.
• Die AJV is 'n belangrike jaarlikse geleentheid wat jy kan bywoon, aangesien dit jou insig oor die prestasie en rigting van Remedi Medical Aid Scheme gee.
• Dit gee aan hooflede van die Skema wat hulle verpligtinge nakom (lede wie se bydraes nie agterstallig is nie) die geleentheid om hul menings te lug, vrae te vra en oor bepaalde Skema-aangeleenthede te stem.
• Volgens die Raad vir Mediese Skemas is AJV's 'n noodsaaklike bestuurskomponent vir mediese skemas. Dit gee die Hoofbeampte, Raad van Trustees en Administrateur kans om aan Remedi-lede verantwoording te doen vir die bestuur van die skema.
• By die AJV vergader die Voorsitter en trustees met Remedi-lede om verslag te doen oor die Skema se geouditeerde jaarlikse finansiële resultate en bedrywighede. Hulle gee ook 'n insiggewende blik oor die Skema se strategiese rigting en sy toekomstige volhoubaarheid.

Aksies

Om beter te verduidelik hoekom dit belangrik is dat jy Remedi se AJV volgende jaar bywoon, moedig ons jou aan om:

• Na die opname te luister en die bykomende inligting te lees wat ons by die AJV gegee het deur www.yourremedi.co.za > About us > AGM te besoek.
• Uit te vind wie die verkose trustees is deur na die AJV-opname op die webwerf te verwys.
• Die Skema se finansiële stand na te gaan deur die beskikbare finansiële jaarstate vir die jaar geëindig 31 Desember 2023 te lees.
• Die Voorsitter se verslag te lees. Dit is in die AJV-pamflet wat voor die vergadering versprei is. Die pamflet is op die webwerf beskikbaar.