Medisynelyste

Feite:

Die doel van 'n medisynelys is:

• Om 'n lys van volledig gedekte medisyne-opsies te voorsien wanneer 'n lid met 'n toestand gediagnoseer en vir Voorgeskrewe Minimum Voordele goedgekeur word.
• Om te help om lede bewus te maak dat daar generiese medisyne beskikbaar is wat goedkoper kan wees (dws generiese kostevoorkeur-medisyne).
• Om generiese medisyne van hoë gehalte te evalueer en te verseker.
• Om ʼn klinies toepaslike vlak van dekking te verseker.
• Om op generiese middels met voorkeurpryse, wat op grond van die "eerstelinie-intreevlak" geselekteer word, en op produkte met voorkeurpryse te fokus, wat deel is van die Raad vir Mediese Skemas (RMS) se berekeningsprosedure (algoritme). Wanneer daar byvoorbeeld na die algoritme vir hiperlipemie-medisyne gekyk word en die eerste behandelingslinie statiene is, word die mees koste-effektiewe medisyne en statiene by die medisynelys gevoeg. Dit verseker dat lede ten volle gedek is vir die behandeling van hul hiperlipemie, wat as 'n chroniese toestand op die Remedi-lys van Voordele vir Chroniese Siektes erken word.

Medisynelyste is ontwerp om:

• Verskillende voordeelopsies te skep waaruit lede kan kies.
• Te verseker dat daar genoeg voorraad op die mark is voordat 'n produk by die medisynelys gevoeg word, wat voortgesette beskikbaarheid en befondsing moontlik maak.
• Mededingende pryse te bevorder tussen vervaardigers wat graag wil hê dat hulle produkte op die medisynelyste gelys word.

Wat om te doen as 'n medisyne op die medisynelys misluk het (byvoorbeeld ernstige newe-effekte gehad het) by die behandeling van die pasiënt:

• Die behandelende dokter moet 'n kliniese appèlvorm voltooi wat by CIB_APP_FORMS@discovery.co.za ingedien moet word.
• Op grond van die kliniese appèl, en indien die motivering suksesvol is, kan 'n alternatiewe medisyne voorgeskryf word en sal dit ten volle betaal word.

Bedryfsinligting het getoon:

• Dat 70% van eise gebaseer is op die aptekers se ingryping en deur die keuse van geneesmiddel beïnvloed word.
• Dat sommige handelsnaammedisyne tot soveel as 4 tot 5 maal meer as die generiese ekwivalent kos. Om volhoubaarheid op die lang termyn te verseker en medieseskemabydraes op bekostigbare vlakke te hou, bied 'n verwysingsprys beskerming vir mediese skemas en hul lede teen nadelige en verhoogde koste wat daartoe kan lei dat mediese skemas onbekostigbaar word.

Remedi bied lede drie voordeelopsies om van te kies en bied dekking op grond van die gekose voordeelopsie.

• Die Standaard voordeelopsie bied dekking vir intreevlakmedisyne soortgelyk aan dit wat staatshospitale en -klinieke voorsien. Na gelang van die terugvoer wat van verskaffers ontvang word en die kliniese uitkomste wat behaal word, asook die RMS-algoritmes wat gereeld bygewerk word, skep dit ruimte om ekstra medisyne by die Standaard voordeelopsie se medisynelys by te voeg. Dit verseker dat lede wat op hierdie voordeel geregistreer is, toegang tot meer dekking het was wat by staatshospitale en -klinieke beskikbaar is. Indien lede verkies om nie die medisyne op die medisynelyste te gebruik nie, betaal Remedi die medisyne tot die terapeutiese verwysingsprys of die bedrag vir chroniese medisyne, na gelang van die geval.
• Die Klassieke en Omvattende voordeelopsies het toegang tot 'n verbeterde medisynelys wat "niemedisynelysmiddels" genoem word. Ons befonds medisyne vir hierdie voordeelopsies tot en met die Bedrag vir Chroniese Medisyne, wat 'n bedrag geld is wat elke maand aan elke medisynekategorie vir 'n spesifieke toestand toegeken is. Dit sal ook die resepteringsfooi insluit.
• Die Omvattende voordeelopsie het ook toegang tot innoverende geneesmiddels en medisyne wat deur Remedi se Voordeel vir Gespesialiseerde Medisyne beskikbaar is.

Bedrae vir chroniese medisyne word bepaal:

• Deur die medisyneklas te oorweeg, sodat daardie medisyne gekategoriseer en vergelyk kan word met medisyne wat binne dieselfde geneesmiddelklas val en op die medisynelys beskikbaar is, en met dié wat nie op die medisynelys beskikbaar is nie (niemedisynelys-geneesmiddels).
• Om finansieel verantwoordelike limiete vir befondsing te stel, wat die finansiële risiko beperk.
• Om befondsing in sommige gevalle ten volle toe te laat, terwyl in ander gevalle lede moontlik 'n bybetaling kan hê, na gelang van die medisyne wat voorgeskryf of gekies word en hoe die prys daarvan met die geweegde koste van die alternatief op die medisynelys vergelyk.

Die verskil tussen generiese medisyne en terapeutiese verwysingsprysmedisyne

Generiese medisyne is medisyne wat presies dieselfde is wat hul aktiewe bestanddeel, sterkte en vorm betref. Terapeutiese verwysingsprysmedisyne dek 'n veel breër lys medisyne. Met ander woorde, 'n terapeutiese verwysingsprys is van toepassing op medisyne wat in dieselfde medisynekas val of 'n soortgelyke uitwerking op die liggaam het en is nie beperk tot medisyne met generiese ekwivalente nie.

Aksies:

• Vergewis jouself van die verskil in dekking van die voordeelopsies deur ons webwerf by www.yourremedi.co.za te besoek. Gaan na Find a document > Benefit brochures om jou Remedi-brosjure te vind, beskikbaar in Engels of Afrikaans.
• Reik na AlexForbes uit; hulle is deur Remedi aangestel om gratis adviesdienste aan Remedi-lede te verskaf. Maak vandag nog jou afspraak en vind uit watter voordeelopsie die mees ideale een is om jou omvattende dekking te gee om aan jou behoeftes te voldoen.