Jy het altyd dekking vir basiese mediese sorg
As 'n lid van Remedi Medical Aid Scheme het jy altyd 'n mate van basiese dekking, selfs al het jy jou dag-tot-dag-voordele opgebruik. Dit is omdat die Wet op Mediese Skemas sê dat alle mediese skemas moet betaal vir bepaalde toetse en behandeling vir alle toestande op 'n vasgestelde lys. Dit maak nie saak op watter voordeelopsie jy is nie. Ons noem hierdie toestande en hul behandeling Voorgeskrewe Minimum Voordele (VMV'e).
Ons gebruik nie jou dag-tot-dag-voordele om vir Voorgeskrewe Minimum Voordele te betaal nie, maar daar is voorwaardes en beperkings op dekking.
Toestande op die lys Voorgeskrewe Minimum Voordele
Die Voorgeskrewe Minimum Voordele dek basiese gesondheidsorg wat lede benodig vir:
- Enige nood- mediese toestand (wat dadelik behandel moet word)
- 'n Gedefinieerde stel van 270 toestande
- 26 chroniese toestande.
Jy hoef nie in die hospitaal opgeneem te word vir jou toestand om as 'n noodgeval beskou te word nie. 'n Nood- mediese toestand is die skielike en onverwagte begin van 'n gesondheidsprobleem wat dadelik behandel moet word om permanente skade te verhoed of jou lewe te red. Dit is 'n noodgeval as jy onmiddellik behandel moet word om verswakte liggaamlike funksies, ernstige en blywende skade, of selfs die dood te verhoed.
Drie voorwaardes vir dekking
Net omdat jou toestand op die lys Voorgeskrewe Minimum Voordele is, beteken nie dat ons vir al die behandeling wat jy daarvoor ontvang as 'n Voorgeskrewe Minimum Voordeel betaal nie. Vir ons om die volle koste van jou behandeling te betaal sonder dat jy inbetaal, moet jy drie voorwaardes nakom.
Jy moet:
1. Met 'n toestand op die lys gediagnoseer word
Jou toestand moet op die algemene lys Voorgeskrewe Minimum Voordele wees óf op die Voorgeskrewe Minimum Voordeel Lys van Chroniese Siektes as dit 'n voortdurende toestand is. As 'n chroniese toestand by jou diagnoseer word, moet jy op die Voordeel vir Chroniese Siektes registreer sodat ons vir jou toestand as 'n Voorgeskrewe Minimum Voordeel betaal. Andersins gebruik ons jou gewone dag-tot-dag-voordele om vir behandeling te betaal.
2. Behandeling volgens die Voorgeskrewe Minimum Voordeel-riglyne kry
Ons betaal slegs vir sekere toetse, medisyne en ander behandeling as Voorgeskrewe Minimum Voordele. Daar is ook beperkings op hoe gereeld ons vir toetse en behandeling betaal. As 'n toestand op die lys Voorgeskrewe Minimum Voordele by jou gediagnoseer word en jy en jou dokter gebruik nie die basiese behandeling vir die toestand nie, dan dek ons jou behandeling uit jou beskikbare voordele.
As jy medisyne vir jou toestand op die lys Voorgeskrewe Minimum Voordele benodig, vra jou dokter om medisyne op ons lys voor te skryf.
3. Aangewese diensverskaffers gebruik, tensy jy 'n nood- mediese toestand het
As dit 'n mediese noodgeval is en jy dadelik behandel moet word, gaan direk na die naaste hospitaal. Andersins moet jy Remedi se aangewese diensverskaffers gebruik. Hierdie is gesondheidsorgverskaffers (soos 'n dokter, apteker of hospitaal) met wie ons 'n ooreenkoms het om toestande op die lys Voorgeskrewe Minimum Voordele te behandel. Ons kies nie die goedkoopste dokters as aangewese diensverskaffers nie. Om na ons lede om te sien, moet aangewese diensverskaffers aan ons gehaltestandaarde voldoen. Jy is dus van gehaltesorg gewaarborg.
Nie seker of jy dekking het nie?
As jy wil weet watter dekking jy vir Voorgeskrewe Minimum Voordele het, besoek ons webwerf. Ons lys die toestande, toetse en medisyne waarvoor ons betaal op www.yourremedi.co.za > FIND A DOCUMENT > Find a document > BENEFIT GUIDES > Remedi prescribed minimum benefit treatment guide. Andersins, as jy nie seker is of jou toestand vir dekking as 'n Voorgeskrewe Minimum Voordeel kwalifiseer nie, skakel ons by 0860 116 116.