Remedi se Dagklinieknetwerk

Remedi Medical Aid Scheme het 'n Dagklinieknetwerk ingestel wat vanaf 1 Januarie 2024 vir alle lede op alle voordeelopsies beskikbaar is.

Feite

• Remedi se Dagklinieknetwerk sluit dagklinieke en akute hospitale in met toegewyde, pasgemaakte dagchirurgie-eenhede.
• Die Dagklinieknetwerk is een van verskeie Remedi-inisiatiewe wat daarop gemik is om die koste van sorg te verlaag sodat die gesondheidsorginflasie en die gepaardgaande verhogingskoers van medieseskemabydraes verlaag. Die doel is om kostes te verlaag onderwyl die kwaliteit van en toegang tot sorg wat Remedi-lede het, gehandhaaf of verbeter word.
• In ooreenstemming met internasionale beste praktyk is dagklinieke net so veilig soos groter hospitale vir 'n bepaalde lys prosedures.
• Navorsing toon dat daar van 2015 tot 2022 'n styging was in die getal opnames in dagklinieke (in teenstelling met akute hospitale) vir prosedures op die Dagklinieknetwerk se prosedurelys. Dit kan toegeskryf word aan:
  • Groter gerief wat lede by dagklinieke ervaar.
  • Laer bybetalings wat lede gewoonlik het wanneer prosedures by dagklinieke uitgevoer word (teenoor by akute fasiliteite).
  • Toegang tot meer dagklinieke aangesien daar die afgelope jare meer fasiliteite is en meer verskaffers hul operasies by dagklinieke uitvoer.

Aksies

• Lees gerus bladsy 36 en 37 van Remedi se voordeelbrosjure vir 2024 vir meer inligting oor die dekking wat jy in die Dagklinieknetwerk het.
• Gebruik fasiliteite in Remedi se Dagklinieknetwerk vir beplande prosedures sodat jy volle dekking het. Ons betalingsooreenkomste dek 'n lys dagoperasies wat in ons netwerk gedoen word. Kry 'n lys van die fasiliteite wat deel van ons Dagklinieknetwerk is op Remedi se webwerf by www.yourremedi.co.za > Find a document > Find a document > Benefit Guides. Jy kan ons ook by 0860 116 116 kontak en met een van ons vriendelike konsultante praat om uit te vind waar jou naaste dagkliniek geleë is. Sodoende kan jy uitvind waarheen om te gaan om te verhoed dat jy 'n deel van die koste self moet betaal.
• Let wel: Indien jy in 'n omgewing is waar daar dagklinieke in ons netwerk is, mag jy moontlik 'n bedrag voor opname self moet betaal as jy kies om sorg buite die Dagklinieknetwerk te kry. Dit sal geld as ons aanbeveel dat jy die behandeling by 'n dagkliniek kry. Die bedrag wat jy dan in 2024 vooraf sal moet betaal, is R6,650